AKUTTAR TÍÐIR skulu IKKI umbiðjast yvir heimasíðuna. Ringjast skal kl 8-9.30 ella á bráðtelefonina.

Í Læknaviðtaluni hjá Katrini og Rúna Nolsøe starvast:

• Katrin Danielsen
• Rúni Nolsøe
  

Harafturat starvast tríggjar sjúkrarøktarfrøðingar í viðtaluni. Útbúgvingarlæknar eru knýttir at viðtaluni í styttri og longri tíðarskeið.

'Tíð sum skjótast / sama dag'

Í Læknaviðtaluni hjá Katrini og Rúna arbeiða vit eftir leistinum 'tíð sum skjótast'. Hugtakið merkir, at tú fær tíð til viðtalu sum skjótast, og so vítt gjørligt sama dag.
Ávís sløg av viðtalum verða tó givnar fram í tíð. Hettar verður mett um í hvørjum einstøkum føri.

Tíðarbílegging umvegis heimasíðuna er dagin frammanundan til kl 9.30 sama dag.
Tíðarbílegging umvegis telefonina er sama dag ímillum kl. 8 - 9.30.
Umbønir í hesum tíðarskeiði eru, so vítt gjørligt, tryggjaðar tíð sama dag. Umbønir umvegis heimasíðuna, ið eru sendar eftir kl. 9.30, verða svaraðar næsta yrkadag.

Tá ið tú biður um tíð umvegis heimasíðuna, fært tú ikki svar í telduposti, men verður uppringd/ur ella fært eitt SMS. Tí er umráðandi, at tú upplýsir rætta telefonnummarið og hevur telefonina við hondina.

Umbønir um heilivág og svar uppá kanningar kunnu avgreiðast ímillum kl. 10 - 12.
Heilivágurin er greiður til heintan á apotekinum eftir kl. 17 sama dag.

So vítt gjørligt fært tú tíð hjá tínum egna lækna. 

Viðtalurnar í Miðlon

Í Miðlon eru tvinnar læknaviðtalur. Katrin og Rúni arbeiða í somu viðtalu, meðan Sigrid Nónsgjógv hevur sína egnu viðtalu.

Sjúkrarøktarfrøðingarnir taka sær sjálvstøðugt av nøkrum viðtalum - eisini summum bráðfeingis viðtalum. Til ber tí eisini at fáa tíð hjá teimum.

Bíðirúmið

Flestu dagar eru 3 læknar til arbeiðis í báðum viðtalunum og sjúkrarøktarfrøðingar sum eisini hava sínar viðtalur. Tá ið útbúgvingarlæknar eru knýttir at viðtalunum, hava tey eisini egnar viðtalur.
Hendan arbeiðsgongdin ger, at tað kunna sita nógv fólk í bíðirúminum í senn og ikki er altíð, at rópt verður inn í somu raðfylgju sum tey eru komin.

Telefonviðtalur

Í viðtaluni hjá Katrini og Rúna byrja læknarnir viðtalurnar kl. 8.15 og hava tí ikki telefontíð. Sjúkrarøktarfrøðingarnir svara telefonunum gerandisdagar kl. 8-9.30 og 10-12. Ímillum kl. 8 - 9.30 er møguleiki at biðja um viðtalu. Ímillum kl. 10 - 12 er møguleiki at endurnýggja reseptheilivág, fáa svar uppá ymsar spurningar og flestu kanningar. Um tað er trupult at svara spurningi í telefonini, verður í hvørjum føri mett, um tú skal hava eina viðtalutíð ella læknin ringir aftur til tín. Vit stremba eftir, at læknin ringir sama dag ella skjótast gjørligt.

• Stongt

  08.06.2023
  Hósdagin 8/6-23 steingja vit kl 12 vegna starvsfólkaútferð. Bráðfeingis tlf 212979 svarar til kl 16.

• Rúni Nolsøe nýggjur kommunulækni

  02.03.2023
  1 mars 2023 byrjaði Rúni Nolsøe sum kommunulækni í viðtaluni. Rúni røkir viðtaluna sum Kári Jacobsen áður røkti í fleiri ár.

• Kári Jacobsen sagt seg úr starvi

  01.12.2022
  Tann 1. des 2022 hevur Kári Jacobsen valt at siga seg úr starvi sum kommunulækna. Viðtalan hjá Kára er mannað av avloysaranum Davið Michelsen sum er kommunulækni. Davið er avloysari fram til 28/2-2023.

• Koppseting av beinkrími og Covid-19

  14.10.2022
  Vit hava nú fingið koppsetingarnar móti beinkrími og Covid-19. Vinarliga bílegg tíð at fáa eina koppseting.

• Corona-pas

  18.06.2021
  Vit kunnu bjóða tær eitt danskt Corona-pas fyri 200 kr. Okkum tørvar: 1) føroyska P-tali 2) aktivt danskt CPR nummar, har tú kanst nýta danskt NemID. Vinarliga skriva undir "Endurnýggja receptir"