Koyrikort
Tá ið tú tekur koyrikort ella fær tað endurnýggjað, skal ein heilsuváttan útfyllast hjá tínum kommunulækna.
Tá ið tú kemur í viðtaluna, fær tú skjalið til heilsuváttanina útflýggjað, har tú skal útfylla fyrstu síðuna meðan tú bíðar.Tá ið tú kemur inn, verður sjónsfeltið kannað, sjónin verður kannað, við og uttan brillur, og tú verður biðin um at gera nakrar ávísar rørslur.
Um tú er frísk/ur annars, er hettar einastu kanningarnar, ið verður gjørdar. Afturat hesum verður tú spurd/ur nakrar spurningar.
Tá ið kortið skal endurnýggjast vegna aldur, verður sama heilsuváttan útfylt, men tá eru nakrar aðrar kanningar, ið eisini verða gjørdar.
Tú kemur vanliga inn til ein sjúkrarøktarfrøðing, tá ið koyrikortið skal takast fyrstu ferð, og tú ert frísk/ur.
Tá ið kortið skal endurnýggjast vegna aldur, kemur tú inn til tín egna lækna.
Minst til at hava við:
- brillur/linsur og linsuvætu (OBS! linsurnar skulu takast út 1 tíma áðrenn sjónskanningina)
- passmynd
- 400 kr. í reiðum peningi
